தோரணம்

தோரணம் என்பது இரு தூண்கள் மேல் குறுக்காக அமைந்த அணி செய்யப்பட்ட அமைப்பு.

உறுப்புகள்

தோரணம் மூன்று உறுப்புகளை உடையது. அவை நாசிகளுக்கானவையே ஆகும்.

1. காடம் நடுவில் உள்ள குழிந்த பகுதி - இதில் சிற்பங்கள் அமையும்.
2. தோரணப்பட்டி - அணி செய்யப்பட்ட லாடப் பகுதி.
3. சிகை - தலைப் பகுதி

வகைகள் (அமைவிடம் சார்ந்து)

அமைவிடம் சார்ந்து தோரணங்கள் மூன்று வகைப்படும்.

1. பித்தி தோரணம் / குட்ய தோரணம்
2. துவார தோரணம் / வாயில் தோரணம்
3. ஸ்தம்ப தோரணம்

1. பித்தி தோரணம் (குட்ய தோரணம்) 

பித்தியில் கோட்டங்களுக்கு மேல் அமைவது

சுவர் தோரணம் (குட்டிய தோரணம்)
(நன்றி: திருமதி. சவுந்தரி ராஜ்குமார்)

2. துவார தோரணம் ( வாயில் தோரணம்)

நுழைவாயிலின் மீது அமைவது

மகர வகை வாயில் தோரணம்
தளவானூர் மகேந்திர வர்மன் குடைவரை

3. ஸ்தம்ப தோரணம்

கட்டடம் சாராது தனியாக அமைவது.

தூண் தோரணம் (ஸ்தம்ப தோரணம்)
முக்தேசுவரர் கோயில், புவனேஸ்வர்
Soumendra Barik, CC BY-SA 3.0 <https://creativecommons.org/licenses/by-sa/3.0>, via Wikimedia Commons

வகைகள் (சிற்ப அலங்காரங்களைச் சார்ந்து)

அவற்றில் செய்யப்படும் சிற்ப அலங்காரங்களைச் சார்ந்து தோரணங்கள் மூன்று வகைப்படும்.

1. பத்ர தோரணம்
2. மகர தோரணம்
3. சித்ர தோரணம்

1. பத்ர தோரணம்

பத்ரம் என்றால் இலை. பிறை நிலவு போல வளைவாக இலை, கொடிக்கருக்குகளால் அலங்கரிக்கப்பட்ட தோரணம், இதில் மகரம் இருக்காது.

பத்ர தோரணம் 
(நன்றி: இரா. ச. இராசவேல்)

2. மகர தோரணம் 

பக்கங்களிலும், உச்சியிலும் மகரத்தலைகள் கொண்டு இலை, கொடி, அலங்காரங்கள் உடைய தோரணம்.

மகர தோரணம்
(நன்றி: இரா. ச. இராசவேல்)

மகர தோரணம் -  தளவானூர்

3. சித்ர தோரணம் 

மகர தோரணத்தில் கொடி, இலைகளுக்குப் பதிலாக பூதங்கள், வித்யாதரர்கள், வீரர்கள், யானை, வியாழம் முதலிய உருவங்கள் மகரத்தின் வாயில் இருந்து வெளிப்படுவது போல அமைத்து முத்து மாலை, பூ மாலை ஆகியவற்றால் அலங்கரிக்கப்படுவது.

சித்ர தோரணம்
(நன்றி: இரா. ச. இராசவேல்)

தோரணத்தின் அமைப்பைக் கொண்டும் கட்டுமானத்தின் காலத்தைக் கணிக்கலாம்.

துணை

சௌந்தரி ராஜ்குமார்; கோயிற் கட்டிடக்கலை பயிற்சி வகுப்பு; நவம்பர்-டிசம்பர், 2021

மரபுக் கட்டடக்கலை (முதல் தொகுதி); கலைச்செம்மல் கோ. திருஞானம்; 

சங்கரநாராயணன்; சைவ ஆகமங்களில் கோயில் கட்டிடக் கலை

பகுதி 1: https://www.youtube.com/watch?v=9ot7btX4_hc&t=12s

பகுதி 2: https://www.youtube.com/watch?v=jtY9CkiGYvI

பகுதி 3: https://www.youtube.com/watch?v=xq4yGMkkb5I

Srinivasan. K.R; Temples of South India;NBT; 4th ed;1998 (reprint2017)