உபபீட வகைகள் -அளவுகள்

 உபபீட வகைகள் 

உபபீடத்தில் இடம்பெறும் பேருறுப்புகள், சிற்றுருப்புகள், அவற்றின் அளவுகள் இவற்றைப் பொறுத்து வெவ்வேறு விதமான உபபீட வகைகளை சிற்ப நூல்கள் சொல்கின்றன. அவற்றின் உறுப்புகளையும், உறுப்புகளின் அளவுகளையும் விவரிக்கின்றன.

• காஸ்யபம் - 8 வகை
• மயமதம்  - 6 வகை
• மானசாரம்  - 12 வகை

பல ஓரே வகையான உபபீடங்கள் மூன்று நூல்களிலும் இடம் பெற்றுள்ளன.

காஸ்யப நூலில் உள்ள உபபீட வகைகள் 

காஸ்யபத்தில் கீழ்கண்ட 8 வகை உபபீடங்கள் விவரிக்கப்பட்டுள்ளன.

1. மூவங்க (திரியங்க) உபபீடம் 
2. ஐந்து அங்க (பஞ்சாங்க) உபபீடம் 
3. ஆறு அங்க (ஷடாங்க) உபபீடம் 
4. எட்டு அங்க (அஷ்டாங்க) உபபீடம் 
5. பிரதிபத்ர உபபீடம் 
6. பிரதிசுந்தர உபபீடம் 
7. சௌபத்ர உபபீடம் 
8. கல்யாண காரிகை உபபீடம் 

1. மூவங்க உபபீடம் (திரியங்க உபபீடம்)

மூன்று அடிப்படை உறுப்புகளைக் கொண்ட மிக எளிய உபபீடம்.

மூவங்க உபபீடம்

மூவங்க உபபீடம் 

இந்த மூன்று உறுப்புகளின் அளவுகளைக் 'கூறு'களாக பிரித்துக் கூறப்படுகிறது. 

1. உபானம் - 3 1/2 கூறுகள்
2. கண்டம் - 5 கூறுகள்
3. வாஜனம் - 3 1/2 கூறுகள்

• மொத்தம் - 12 கூறுகள் 

அதாவது, உபானத்தின் திட்டமிட்ட உயரத்தை 12 கூறுகளாகப் பிரித்து, ஒவ்வொரு உறுப்பையும் அதற்குரிய கூறுகளின் படி அமைக்க வேண்டும்.

சில எளிய கோயில்களில் மற்றும் மண்டபங்களில் (மேற்கண்ட படத்தில் கண்டவாறு) மூன்று அங்க உபபீடமே தாங்குதளமாக அமைவது உண்டு.

2. ஐந்து அங்க (பஞ்சாங்க) உப பீடம்

3. ஆறு அங்க (ஷடாங்க) உப பீடம்

4. எட்டு அங்க (அஷ்டாங்க) உப பீடம்

• கண்டத்தின் மேலும் கீழும் கம்புகள் அமைந்தால் அது ஐந்து அங்க  உபபீடம் எனப்படும். 
• இவற்றுடன் வாஜனத்தின் மேல் மேற் கம்பு அமைந்தால் ஆறு அங்க உபபீடம். 
• கண்டத்தின் இரு கம்புகளுடன்  பத்மங்களும் இருந்தால் அது எட்டு அங்க உபபீடம்.

ஆறு அங்க உபபீடம் 

எட்டு அங்க உபபீடம்
திருவண்ணாமலை வடக்கு உள் கோபுரம்

இவற்றின் அளவுகள்:

3 அங்கம்	5 அங்கம்	6 அங்கம்	8 அங்கம்
உபானம் 3 1/2	உபானம் 3	உபானம் 3	உபானம் 2
			பத்மம் 1
	கம்பு	கம்பு 1/2	கம்பு 1/2
கண்டம் 5
	கண்டம் 5	கண்டம் 5	கண்டம் 5
வாஜனம் 3 1/2	கம்பு 1/2	கம்பு 1/2	கம்பு 1/2
	வாஜனம் 3	வாஜனம் 2	பத்மம் 1
			வாஜனம் 1
		கம்பு 1	கம்பு 1
12 கூறுகள்	12 கூறுகள்	12 கூறுகள்	12 கூறுகள்

• நான்கு வகை உப பீடங்களும் ஓரே மொத்த கூறுகளைக் (12) கொண்டுள்ளன.
• நான்கிலும் கண்டம் ஓரே அளவுடன் தலையாய உறுப்பாகத் திகழ்கிறது.
• உபானமும், வாஜனமும் அவற்றின் அளவுகளில் இருந்தே சிற்றுறுப்புகளுக்கு இடம் கொடுத்துள்ளன.

5. பிரதிபத்ர உபபீடம் 

பத்ரம் - இலை

• அஷ்டாங்க உபபீடத்தில் வாஜனத்திற்குப் பதிலாக கபோதமும் அதற்கு மேல் பிரதிவரியும் கொண்ட உபபீடம்.
• பிரதி வரிஆலிங்கம், அந்தரி, பிரதி, வாஜனம் ஆகிய நான்கு உறுப்புகள் அடங்கியது. பிரதி வரி வியாழம், யாளி, யானை போன்றவற்றின் தொடர் சிற்பங்களால் மறைக்கப்பட்டிருக்கும். அந்த சிற்பத் தொடரைக் கொண்டு பிரதிவரியை எளிதில் அடையாளம் காணலாம். (காண்க: பிரதிவரி)

பிரதிபத்ர உபபீடம் 
2. அதோ பத்மம்; 3. கம்பு; 5. கம்பு; 6. ஊர்த்துவ பத்மம் 
(5 உம், 6 உம் கபோதத்தின் அடியில் மறைந்துள்ளன)

6. பிரதிசுந்தர உபபீடம் 

பிரதிசுந்தர உபபீடம் பிரதிபத்ர உபபீடத்தைப் போன்றதே. மேற்பகுதியில் ஒரு பிரதிவரியும் அதன் கீழ் கபோதமும் கொண்டது. வேறுபாடு என்னவெனில், கண்டத்திற்கு கீழ்  இரண்டாம் பிரதிவரி இருப்பதே. 

பிரதிசுந்தர உபபீடம்

7. சௌபத்ர உபபீடம் 

கண்டத்திற்கு மேல் கபோதமும், கண்டத்திற்கு கீழே பட்டிகையும்,  அமைந்த உபபீடம்.

சௌபத்ர உபபீடம் 
(கூறுகள் அடைப்பு குறிகளுக்குள். மொத்தம் 21 கூறுகள்)
அ - கம்பு, பத்மம்; ஆ - பத்மம், கம்பு; இ - கம்பு, பத்மம் (ஒவ்வொன்றும் 1/2 கூறு)
திருவண்ணாமலை அண்ணாமலையார் கோயில் 
வளைகாப்பு மண்டபம் 

8. கல்யாண காரிகை 

கல்யாண காரிகை உபபீடம், சௌபத்ர உபபீடம் போன்ற  அமைப்பு உடையது. முதன்மையான வேறுபாடு - கபோதத்திற்கு பதில் பட்டிகை உள்ளது. அதாவது கீழே  ஒன்று,  மேலே ஒன்றாக இரு பட்டிகைகள். 

இவ்வகை உபபீடம் எங்கும் காணக் கிடைக்கவில்லை. (திருமதி. சௌந்தரி ராஜ்குமார்). திண்டுக்கல் மலைக்கோட்டை - கல்யாண காரிகை (தென் கொங்கு சதாசிவம்).

மயமதம் 

காஸ்யபத்தில் உள்ள 8 வகைகளில், மயமதம் முதல் இரண்டை விட்டுவிட்டு, மற்ற ஆறை மட்டும் இவ்வாறு வகைப்படுத்துகிறது.

1. வேதிபத்ரம் - அஷ்டாங்கம், ஷடாங்கம்
2. பிரதிபத்ரம் - பிரதிபத்ரம், பிரதிசுந்தரம்
3. சுபத்ரம் - சௌபத்ரம், கல்யாண காரிகை.

உறுப்புகளின் அமைப்பு காஸ்யபத்தில் உள்ளதேதான். அளவுகள் சற்று மாறுபடும்.

மானசாரம் 

மானசாரம்  உபபீடங்களில் 3 வகைகள், ஒவ்வொரு வகையிலும் 4 பிரிவுகள் என 12 வகையான உபபீடங்களை விவரிக்கிறது.

1. வேதிபத்ரம்

• முதல் வகை - ஷடாங்கம். 
• இரண்டாம் வகை - அஷ்டாங்கம். 
• மூன்றாம் வகை - அஷ்டாங்கம்.  சிறு அளவு வேறுபாடுகள்

• நான்காம் வகை - உபானத்தின் மேல் மட்டும் பிரதிவரி அமைந்த ஒரே உபபீட வகை. 
  
  

  

  வேதிபத்ரம் - நான்காம் வகை 

  
  

2. பிரதிபத்ரம் 

மானசாரத்தின் பிரதிபத்ர வகைகள் உபபீடத்தின் மேல் அங்கமாக பிரதிவரியைக்  கொண்டவை.

• முதல் வகை - காஸ்யப, மயமத பிரதிபத்ர வகையை ஒத்தது.

• இரண்டாம் வகை  - பிரதிபத்ரத்தில் கண்டத்தின் கீழ் ஒரு பட்டிகையும், அதன் கீழ் உபானத்தின் மேல் ஒரு சிறு கண்டமும் உடையது. சௌபத்ரம் 

பிரத்பத்ர உபபீடம் - இரண்டாம் வகை (மானசாரம்)

• மூன்றாம் வகை - இரண்டாம் வகையில் பட்டிகைக்குப் பதிலாக வஜ்ரகும்பம் கொண்டது. அளவு வேறுபாடுகள் உண்டு. 

• நான்காம் வகை  - மூன்றாம் வகையைப் போன்றது.  வஜ்ர கும்பத்திற்கு பதிலாக இரத்தின பட்டிகை உடையது. கபோதம் சிறியது. மற்ற அளவுகள் சிறிது மாறுபடும்.

3. மஞ்சபத்ரம் 

நான்கு மஞ்சபத்ர வகைகளும் இரு கபோதங்களும், மேல் கபோதத்தின்  மீது பிரதிவரியும், கீழ் கபோதத்திற்கும் உபானத்திற்கும் இடையில் இரண்டாவது கண்டமும் கொண்டவை. 

• முதல் வகை - கீழ் கபோதத்தின் மீதும் பிரதிவரி உடையது (இரண்டு பிரதிவரிகள்). மேல் கண்டம் பெரியது. கீழ் கபோதம் சிறியது.

• இரண்டாம் வகை - முதல் வகையைப் போன்றதே. அளவு வேறுபாடுகள் உண்டு. 

மஞ்சபத்ரம் - இரண்டாம் வகை 

• மூன்றாம் வகை - கீழே ஒரு பட்டிகையும், அதன் கீழ் மூன்றாவது  கண்டமும் உடையது. நடு கண்டம் > மேல் கண்டம் > கீழ் கண்டம்.  

• நான்காம் வகை -இரண்டாம் வகையைப் போன்றது. கீழ் கண்டம் > மேல் கண்டம். 

உப பீடம் அதிஷ்டானம் பொது உறுப்பு

உபபீடத்தின் மேல் வாஜனம் அதிஷ்டானத்தின் கீழ் உபானமாக பொதுவாக அமையலாம்.

நாங்குப்பட்டி (புதுக்கோட்டை)

உதவி 

மரபுக் கட்டடக்கலை (முதல் தொகுதி); கலைச்செம்மல் கோ. திருஞானம்; 

திருமதி. சவுந்தரி ராஜ்குமார்; கோயிற் கட்டிடக்கலை பயிற்சி வகுப்பு; நவம்பர்-டிசம்பர், 2021 -  சில படங்கள்; பல தகவல்கள்